Traueranzeige von Anna Kreidl

Ein letztes mal DANKE Anni!Du host uns imma bei dir auf gnumma, wonn mia ah Zimma braucht hom, wonn mia ah boa Tog Urlaub gmocht hom bei dia, es hot nie ah na gem.Mia hom da vo Herzen aussa gern ghoifn, weil mia des so glernt hom, wonns ohstondn is, das ma zom hüft.Mia hom se bei dir woi gfuit und imma willkommen.Mia hom se imma gfreit auf deine oidn Gschichtn, wonst uns erzöht host vo da Oim, von Hochficht, vo de Gschwister, von Daddn und da Mama.Es wird uns ob geh, du wirst uns fain, weilst ah imma gsogt host Kinder, Kinder, Kinder i sogs eich.Justamend, wonnst gach nimma gwisst host wost fozoin woitst.Wonnst gsogt host untersteh di Kind, mia hom net gfoigt weil ma da gern unta de Oam griffn hom, wias nimma gonz so oafoch gwen is fia di vor ah boa Joahr.Es woa eh nua ah gloanichkeit wos ma da do gem hom kinan.Owa genau des hot uns gfreit, wonn mia gsegn hom wiast du di gfreist und wia donkboa du driwa woast.Dei Wunsch wia nu woa, oa moi nu zon Georg kemma ins Innviertel, mei des woa sche und mia hom se gfreit.Es woa nimma so leicht owa des woitst nu oa moi segn, do seg i di nu im Goatn steh, wia ma Bleame ausgrom hom weiß da so gfoin, du host gsogt Kinder, Kinder, Kinder und host nosse Augen griagt vo lauta Freid. Anni so bleibst uns du im Herzen❤️Wir wünschen dir eine Gute Reise, letzte Grüße aus Aspach.Ruhe in Frieden!Den Geschwistern samt Familie Aufrichtige Anteilnahme.

Mandi, Karin und Lukas am 17.12.2023